- Advertisement -
A Garda Civil investigou a unha muller como suposta autora dun delito de furto, por subtraer diñeiro doutra persoa pertencente á súa contorna na súa vivenda situada en Castro Ribeiras de Lea, en Castro de Rei (Lugo).
Segundo informa o Instituto Armado, a cantidade roubada atopábase oculta no domicilio e só o propio prexudicado sabía onde estaba escondido. Por tanto, os investigadores determinaron que alguén do seu círculo próximo podía ter relación cos feitos. Ademais, coincidiu que, pouco tempo despois do suposto furto, a investigada adquiriu un coche novo cando non dispuña de recursos económicos suficientes para pagalo. A persoa investigada e as dilixencias policiais foron trasladadas ao xulgado de Instrución en funcións de garda de Lugo.
