InicioSucesosRescatado un home que se quedou pechado nunhas galerías en Lugo

Rescatado un home que se quedou pechado nunhas galerías en Lugo

A Policía Local tamén informou dun incendio nunha vivenda do barrio da Cheda.

PUBLICADA O

- Advertisement -

A Policía Local de Lugo rescatou a unha persoa que se quedou atrapada nunhas galerías, ao pecharse as reixas mentres se quedou dentro durmindo. Segundo informaron fontes policiais, os feitos ocorreron na mañá do domingo, cando o 092 recibiu un aviso para acudir ás galerías da rúa Cidade de Vigo, onde unha persoa quedara atrapada.

Unha dotación da Policía de Barrio acudiu á zona e identificou a un home que explicou que ía camiñando pola beirarrúa e, ao ver o enreixado medio aberto, accedera ó interior e, tras sentar no chan, quedouse durmido. Cando espertou, decatouse de que as portas de saída estaban pechadas, polo que acabou sendo liberado polos axentes.

Por outra banda, a Policía Local tamén informou dun incendio rexistrado nunha vivenda deshabitada do barrio da Cheda. O lume declarouse na noite do venres e os bombeiros tiveron que actuar ata case as 2:00 horas da madrugada. Na madrugada do domingo os servizos de extinción tiveron que volver de novo, xa que as chamas reactiváronse.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...