Un home foi detido en Lugo por agredir á súa parella e lesionar a un axente, segundo informa a Policía Local no seu parte de incidencias. Os feitos producíronse na noite do 5 de agosto na zona da Rolda da Muralla. Á súa chegada, a muller explicou aos axentes que o home lle deu dúas labazadas, tratando de sacarlle algo do bolso.

O home, pola súa banda, negouse a identificarse, proferindo insultos contra os axentes, chegando a dar un empuxón e lanzando puñadas e patadas polo que foi necesaria a súa inmovilización. Finalmente, foi detido por violencia de xénero e atentado a axentes da autoridade. A vítima rexeitou ser asistida nun centro médico.