- Advertisement -
Un ciclista resultou ferido este domingo ao caerse do seu biciclera no municipio lucense de Monterroso. O helicóptero medicalizado con base en Santiago aterrou no quilómetro 11 da LU-P-3301 (Ligonde) para atender á persoa implicada. Segundo informou o 112, foi un particular que se atopaba nese mesmo punto quen se puxo en contacto co 112 Galicia ás 11,30 horas.
Unha vez informados, os efectivos de Urxencias Sanitarias de Galicia-061 comunicaron a saída da aeronave medicalizada con base en Santiago. Ademais, tamén interviñeron os axentes da Garda Civil de Tráfico.
