InicioLugo e contornaDetidas tres mulleres por obrigar unha menor a exercer a prostitución en...

Detidas tres mulleres por obrigar unha menor a exercer a prostitución en Lugo

O operativo policial desenvolveuse durante a madrugada do domingo ao luns, "sobre as catro da mañá", cando os axentes "liberaron" a vítima.

PUBLICADA O

- Advertisement -

A Policía Nacional detivo tres mulleres, nun primeiro momento a dúas e este pasado mércores a unha terceira, de orixe brasileira todas elas, por reter unha menor e obrigala a exercer a prostitución nun piso da cidade de Lugo.

O portavoz policial, José Manuel González, concretou este xoves que ascenden así a tres as detidas, dúas delas xa pasaron a disposición do Xulgado de Instrución número 1, que decretou o ingreso destas dúas mulleres en prisión.

O operativo policial desenvolveuse durante a madrugada do domingo ao luns, “sobre as catro da mañá”, cando os axentes “liberaron” á menor que agora, casualmente, acaba de cumprir a maioría de idade, explicou.

Foi unha “persoa que andaba pola rúa, que parou a unha patrulla e lle indicou o que estaba a pasar, que recibira unha chamada telefónica dunha amiga que lle dixo que estaba a ser forzada a exercer a prostitución nun piso” de Lugo, detalla o portavoz policial.

Unha vez alertados, a Policia relatou que “se puideron constatar eses feitos e detívose a dúas persoas”. Iso o mesmo día da actuación policial porque agora ascenden a tres as mulleres investigadas.

DÚAS A PRISIÓN

Dúas das detidas xa pasaron a disposición xudicial e “decretouse o ingreso en prisión e a terceira detida pasará este xoves a disposición da autoridade xudicial”. A Policía Nacional non pechou aínda esta investigación que partiu da denuncia dun amigo da menor coa que mantiña contacto periódico.

Esta é a segunda operación destas características que se desenvolve esta semana en Galicia, despois de que a Policía Nacional detivese 14 persoas e liberase a tres vítimas tras desarticular unha organización dedicada á explotación sexual en clubs de alterne e casas de citas na área de Vigo.

ÚLTIMAS

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...

Xaneiro, a data para poñer en marcha os servizos do centro integral de Saúde en Lugo

O conselleiro de Sanidade Julio García Comesaña avanzou en sede parlamentaria a posta en...

Interceptan en Lugo a un home circulando sen permiso de condución

A Policía Local de Lugo interceptou este luns a un home que circulaba pola cidade e...

A Deputación de Lugo traslada á Plataforma Pro Residencia de Becerreá a súa “vontade” de abrir o centro canto antes

O deputado de Promoción Económica e Social, Pablo Rivera, reuniuse este luns no Pazo...