O Ministerio de Transportes informa de que se efectuará un corte da circulación na A-6 na zona na que se derrubou un viaduto en obras entre a localidade leonesa do Castro e o municipio lucense de Pedrafita do Cebreiro.
Así, durante as obras de rehabilitación no viaduto do Castro, en Vega de Valcarce, produciuse este martes a caída dun van, aínda que non se produciron vítimas.
Deste xeito, o Ministerio indica que se decidiu desviar o tráfico da A-6, no seu quilómetro 431, pola N-V. Este departamento apunta que esas obras, que se realizan desde hai un ano, iniciáronse tras os traballos de inspección derivados do sistema de xestión de pontes da Rede de Estradas do Estado.
Pola súa banda, a Dirección Xeral de Estradas comezou o estudo diagnóstico para determinar as causas do suceso.
O desprendemento afectou a un tramo duns 50 metros entre dous alicerces do referido viaduto que desde hai case un ano está a ser obxecto de traballos de reparación, aínda que no outro viaduto provisto de dous carrís en dirección Madrid continuaba aberto ata este martes.
Cando se inagurou Fraga e Cuiña dicían que grazas a súa xestión se fixera a obra de enxeñería civil máis importante de Europa. Non soamente chanceándose da xente por que obra civil ben máis complicada hai en moitos países e moito antes. Agora o que vemos é que estaba rematadamente mal feita.