Axentes da Policía Local de Lugo denunciou a outro catro gorrillas que foron sorprendidos na contorna do aparcadoiro do Hospital Universitario Lucus Augusti (HULA).
Segundo informou a Policía Local, na mañá do pasado sábado, 14 de maio, efectivos da Unidade Territorial de Policía de Barrio estableceron un dispositivo especial para o control da “conduta ilegal de aparcacoches na contorna do HULA”.
Neste dispositivo, no que empregaron vehículos policiais camuflados, os axentes mobilizados tramitaron catro actas de denuncia por infraccións á Ordenanza de Circulación.
En concreto, os axentes sorprenderon a catro persoas que transitaban pola calzada “para indicar estacionamentos libres a condutores, ocasionando molestias e pondo en risco a súa integridade física”.
