Dúas mulleres recibiron asistencia esta tarde en Lugo ao resultar posiblemente intoxicadas con monóxido de carbono nunha casa situada na rúa de San Eufrasio.

O 112 Galicia recibiu a alerta a través do 061 sobre as 14,30 horas. Un familiar das dúas mulleres afectadas non lograba comunicarse con elas, o que puxo en alerta aos servizos de emerxencia que, á súa chegada á vivenda, atopáronas inconscientes.

Así, avisouse aos Bombeiros de Lugo, Policía Nacional e Local, Protección Civil e á empresa subministradora do gas. Posteriormente, as dúas mulleres foron trasladadas polos servizos sanitarios a un centro hospitalario.