A saída de vía dun vehículo rexistrada na mañá deste xoves na estrada LU-541 ao seu paso polo termo municipal de Vilalba saldouse cun home ferido. Así o informaron fontes do 112 Galicia a Europa Press, que indicaron que un particular avisou ás 8,39 horas deste xoves da saída de vía dun vehículo á altura do quilómetro 15,5 da LU-541.

Tras iso, por parte do 112 avisouse a Urxencias Sanitarias de Galica-061, Policía Local, Garda Civil de Tráfico, Bombeiros de Vilalba, Protección Civil da localidade e o servizo de mantemento da vía. As mesmas fontes puntualizaron que a persoa que alertou deste sinistro sinalou que a persoa ferida non estaba atrapada e atopábase accesible.