Na madrugada do pasado domingo, un mozo de 26 anos sementou o pánico nas festas de Bonxe, en Outeiro de Rei. As tres da mañá aparecía no torreiro da festa armado cunha escopeta de cano recortado. “Estaba moi agresivo e disparou dous tiros”, contan testemuñas presencias.

Segundo relatan, o motivo do seu enfado foi unha discusión que tivera minutos antes con outras persoas presentes na festa. Tras a discusión marchou para casa a buscar a escopeta.

Tras os disparos, a xente comezou a correr ocultandose onde podía. Tamén o autor do disparo decidiu ocultarse ao chegar ata catro patrullas da Garda Civil. Primeiro agachou a escopeta no seu coche, tirou as chaves e escondeuse detrás doutro vehículo.

Aínda así, os axentes lograron finalmente detelo e atopar as chaves do seu coche para, a continuación, requisar a arma. O detido foi para o calabozos da comandancia de Lugo.