InicioSucesosDetidos dous lucenses de 17 e 20 anos por tentar roubarlle a...

Detidos dous lucenses de 17 e 20 anos por tentar roubarlle a recadación a un repartidor de comida a domicilio

O repartidor puido fuxir e avisar á Policía.

PUBLICADA O

- Advertisement -

A Policía Nacional detivo a pasada noite a dous mozos de 17 e 20 anos, veciños da cidade de Lugo, por asaltar a un repartidor de comida a domicilio e tentar roubarlle a recadación dunha entrega.

Segundo informa o corpo, os feitos ocorreron na noite do luns a martes na capital provincial. Foi o propio traballador quen chamou á sala do 091 para advertirlle de que dous individuos trataran de atracalo.

Unha dotación da Policía presentouse no lugar e entrevistouse coa vítima, quen lles relatou que os dous mozos pedíranlle diñeiro e, como el non llo entregou, tentaron arrebatarlle a saca coa recadación. Ademais, manifestou que quixeron tiralo da moto para apoderarse do botín, pero que non o conseguiron grazas á rapidez coa que saíu do lugar.

Nese mesmo momento, outras dotacións facían unha batida pola zona para tratar de localizar aos presuntos autores dos feitos. Estes foron localizados nas inmediacións, na rúa do Franco, e trataron de fuxir á carreira cando os policías lles deron o alto.

Tras unha breve persecución, os axentes conseguiron interceptalos e a vítima puido recoñecelos como os autores deste intento de roubo con violencia. Por todo iso, a Policía Nacional procedeu á súa detención e deu conta á Fiscalía de Menores do mozo de 17 anos. O maior, de 20, ingresou no calabozo á espera de que na mañá deste martes sexa remitido ao xulgado xunto ao correspondente ateigado.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...