A Policía Local de Lugo levantou oito actas de denuncia por incumprimentos de restricións e medidas establecidas para evitar a propagación da pandemia da COVID-19. Fontes municipais detallaron que as denuncias foron cursadas este xoves, cando se intensificaron os dispositivos de control das limitacións impostas pola Consellería de Sanidade pola crise sanitaria.
Deste xeito, levantáronse tres actas tras constatarse o incumprimento da prohibición de entrada e saída do termo municipal de Lugo sen deberse a ningunha das causas consideradas xustificadas.
Tamén se denunciou a dúas persoas por non respectar a normativa imposta para a permanencia de grupos de persoas en espazos públicos. Estas infraccións á Lei Orgánica de Protección da Seguridade Cidadá poden levar a imposición de multas de entre 601 e 30.000 euros.
Adicionalmente, detectáronse infraccións da Lei de Saúde de Galicia, en concreto, tres persoas que transitaron pola vía pública sen utilizar máscara.
