Un motorista resultou ferido de consideración a pasada noite na cidade de Lugo tras sufrir un accidente de circulación ao chocar contra un vehículo.
Segundo a información do CIAE 112-Galicia, o suceso ocorreu sobre as 22:20 horas da pasada noite na Avenida Garabolos.
Ata a zona desprazáronse efectivos da Policía Local, Bombeiros de Lugo e membros da Agrupación de Voluntarios de Protección Civil da cidade. Persoal sanitario do 061 atendeu e trasladou o ferido.
