O dispositivo de procura activado para localizar a un ancián desaparecido desde a tarde do sábado en Cospeito conseguiu dar con el na mañá deste domingo, informou o 112.
O home, un octoxenario residente en Carballosa, foi visto por última vez na tarde do sábado, ao redor das 17,30 horas, cando saíu a pasear por uns prados próximos á súa vivenda.
Ao ver que non regresaba, familiares e veciños da aldea comezaron a buscalo e pouco despois das 21,30 horas, un parente avisou ao 112 para pedir axuda.
O persoal do Centro Integrado de Atención ás Emerxencias deu aviso á Garda Civil e activouse un operativo que durou toda a madrugada e no que se usaron, xa avanzada a noite, drones con funcións de visión nocturna da Axencia Galega de Emerxencias.
No entanto, ao home encontrárono nunha pausa para recargar a batería dos aparellos, ao redor das 8,00 horas deste domingo, durante a que os técnicos e membros do operativo decidiron continuar as inspeccións a pé. Aínda que estaba en bo estado de saúde, avisaron ao 061 para que o examinase.
