Un mozo de 26 anos de idade foi identificado pola Policía Local de Lugo cando circulaba pola Praza de Armañá en bicicleta cunha pistola simulada escondida.

Segundo informou o Concello de Lugo, os feitos ocorreron sobre as 20,00 horas do xoves, cando os axentes observador ao mozo cun obxecto sospeitoso na cintura do pantalón.

Ante iso, os axentes comprobaron que se trataba dunha pistola simulada de características similares a unha real de 9 mm parabelum, polo que procederon ao seu comiso.

Ademais, ao non portar o mozo ningún elemento de identificación, foi trasladado a dependencias policiais para dar comprobar a súa identidade e dar conta desta intervención ao grupo correspondente de investigación por se os feitos estivesen relacionados con algún ilícito penal.