InicioLugo e contornaLugoOperación contra a explotación laboral a inmigrantes irregulares na provincia

Operación contra a explotación laboral a inmigrantes irregulares na provincia

As vítimas aceptaban supostos contratos laborais de maneira verbal para realizar traballos asistenciais de axuda a domicilio

PUBLICADA O

- Advertisement -

A Garda Civil detivo na cidade de Lugo na mañá deste martes dúas persoas veciñas desta provincia, de 46 e 25 anos de idade, como presuntas autoras dun delito contra os dereitos dos traballadores na contratación de inmigrantes irregulares para traballos asistenciais de axuda a domicilio.

Segundo informou o Instituto Armado, os feitos iniciáronse tras ter coñecemento de que persoas de nacionalidade estranxeira e con estancia irregular no país contactaban, “por necesidades económicas e laborais”, coas presuntas autoras, as cales lles ofrecían traballos asistenciais en domicilios desta provincia como coidadoras internas.

As vítimas accedían ás condicións laborais e económicas que lles ofrecían “dada a súa situación irregular neste país”, destacou a Benemérita. As mesmas fontes concretaron que as vítimas aceptaban “presuntos contratos laborais de maneira verbal” para realizar os traballos asistenciais contratados.

As persoas e entidades públicas que contrataban estes servizos consideraban que se trataban de contratos legais, efectuando os pagos tanto en metálico como a través de transferencia bancaria”, indicaron as mesmas fontes.

Entre os métodos de pago era utilizado “o half cash, co presunto obxecto de evitar o rastrexo de movementos bancarios”, indicaron as mesmas fontes. A investigación continúa aberta e a Garda Civil non descarta novas detencións en datas próximas.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...