- Advertisement -
A Garda Civil investiga dous veciños de Abadín de 51 e 53 anos de idade como presuntos autores dun delito continuado de furto de 800 litros de gasoil nunhas instalacións industriais.
Segundo informou o Instituto Armado, os feitos delituosos polos que foron investigadas estas dúas persoas tiveron lugar entre os días 15 e 21 de febreiro. Os presuntos autores subtraeron uns 800 litros de gasoil, valorados nun mil euros, do interior dunhas instalacións industriais situadas no termo municipal de Abadín. As persoas investigadas en relación con estes feitos foron postas a disposición xudicial.
