Un home de 69 anos resultou ferido e foi evacuado na tarde deste xoves tras ser alcanzado por un turismo no termo municipal da Fonsagrada.
O 112 Galicia tivo coñecemento do atropelo a través da chamada de alerta dun particular. O suceso produciuse sobre as 19.15 horas deste xoves na Avenida de Galicia, na Fonsagrada.
O persoal do 112 Galicia informou do sucedido aos Bombeiros de Sarria, por se fose necesaria a súa intervención, e aos profesionais de Urxencias Sanitarias de Galicia-061. Tamén se solicitou a colaboración dos axentes da Garda Civil e Protección Civil da localidade, que confirmaron ao 112 Galicia que o equipo sanitario trasladou o home ferido ata un centro hospitalario.
En concreto, o 061 desprazou ao lugar unha ambulancia e un equipo sanitario do Punto de Atención Continuada (PAC) da Fonsagrada para atender o home ferido, que foi evacuado ao Hospital Lucus Augusti (HULA)
