Tres persoas resultaron feridas na tarde deste xoves nun accidente que se produciu entre dous turismos que chocaron na N-V, en Lugo.
Dos feitos informou o 112-Galicia e precisou que unha muller tivo que ser excarcerada polos Bombeiros de Lugo tras quedar atrapada no interior dun dos vehículos implicados no choque.
O suceso produciuse na circunvalación da ponte nova desta estrada, en sentido a Garabolos. Xusto despois deste impacto, outros dous coches chocaron no mesmo lugar por mor de, probablemente, “un descoido ao volante”, explicaron os servizos de emerxencias.
Foi ao fío das 18,00 horas cando Urxencias Sanitarias de Galicia avisou ao persoal do 112-Galicia sobre o que ocorrera. Por mor desta chamada, os efectivos puxeron a situación en coñecemento dos Bombeiros de Lugo, a Policía Local e a Garda Civil de Tráfico.
