InicioSucesosRetiran unha tonelada e media de residuos do piso onde vivía o...

Retiran unha tonelada e media de residuos do piso onde vivía o bebé ingresado no HULA

O inmoble someterase a un proceso de desinfección. Dende o Concello fan un chamamento á colaboración cidadá para detectar estas situacións: "é mellor unha falsa alarma que chegar a un caso tan extremo".

PUBLICADA O

- Advertisement -

Tras dúas xornadas de traballo, os servizos municipais de limpeza retiraron unha tonelada e media de residuos do interior da vivenda na que residían os pais e o bebé ingresado no Hospital Lucus Augusti con signos de sufrir malos tratos. Así o explicou o concelleiro de Medio Ambiente de Lugo, Álvaro Santos, que este mércores se desprazou á rúa Irmáns Carro para realizar un seguimento do proceso de limpeza.

Os labores iniciáronse tras a indicación urxente do Xulgado do perigo existente para a salubridade pública e en relación ás condicións hixiénicas da vivenda, “absolutamente deplorables”.  En concreto, apuntou que se retirou unha tonelada e media de residuos. Durante a tarde as empresas encargadas da limpeza definitiva xa se puxeron mans á obra.

Posteriormente, o inmoble “someterase a un proceso de desinfección e desratización co fin de garantir con todos os recursos a salubridade e seguridade pública”, explicou Santos. Está previsto que a limpeza conclúa este mércores.

CHAMAMENTO Á COLABORACIÓN CIDADÁ

A maiores, Álvaro Santos fixo un chamamento aos veciños de Lugo para que alerten ás autoridades en caso de sospeita dunha situación semellante, dado que “é mellor unha falsa alarma que chegar a un caso tan extremo”.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...