InicioCulturaOs concertos do Xacobeo traerán a Iván Ferreiro e Querido para o...

Os concertos do Xacobeo traerán a Iván Ferreiro e Querido para o 13 de novembro

Organizado dentro da programación dos Concertos do Xacobeo, co respaldo da Xunta de Galicia, Galicia Calidade e o programa Xuventude, xunto á xestión de Batendo e Deep Delay, o reencontro do cantautor co público lucense promete despregar "a vertente máis madura e arriscada do creador galego".

PUBLICADA O

- Advertisement -

O Pazo de Feiras e Congresos de Lugo acollerá o vindeiro venres 13 de novembro o reencontro de Iván Ferreiro co público lucense dentro da programación dos Concertos do Xacobeo.

O compositor de Nigrán presentará as cancións do seu aclamado disco ‘Trincheira pop’ acompañado pola súa banda habitual, nunha noite que contará ademais coa actuación de Querido como grupo invitado. As entradas xa se atopan á venda a través da plataforma Enterticket.

Organizado dentro da programación dos Concertos do Xacobeo, co respaldo da Xunta de Galicia, Galicia Calidade e o programa Xuventude, xunto á xestión de Batendo e Deep Delay, o reencontro do cantautor co público lucense promete despregar “a vertente máis madura e arriscada do creador galego”.

Esta xira pivota ao redor das cancións de ‘Trincheira pop’, o seu traballo de estudo máis recente, aclamado unanimemente pola crítica e a súa fiel masa de seguidores grazas á súa audaz exploración sonora.

Para dar forma a esta proposta en directo, o músico estará apoiado por unha formación composta por Pablo Novoa, Ricky Falkner, Sergio M. Puga, Emilio Saiz e o seu irmán Amaro Ferreiro, “un elenco de intérpretes que asegura un despregamento técnico e instrumental de altísima gradación emocional”.

A velada completarase coa actuación de Querido, o proxecto liderado por Andrés Ferreiro que figura entre as sorpresas máis estimulantes da escena alternativa recente. A formación convidada achegará unha mirada “fresca e vigorosa” á proposta artística da noite.

+ posts

ÚLTIMAS

As XXXVII Xornadas Luis Asorey analizarán os potenciais terapéuticos dos recursos naturais

  O salón de actos do Pazo de San Marcos acollerá do 9 ao 19...

O Concello de Lugo reúne a comisión mixta sobre o saneamento da rúa Fermín Rivera

O goberno local quere coñecer en que punto se atopa o proxecto de saneamento...

O Concello de Lugo e as asociacións do Arde Lucus levarán a recreación histórica da festa á feira INTUR de Valladolid

Concello de Lugo levará o Arde Lucus á 29ª edición de INTUR, a Feira...

A Deputación participa na nova reunión da veciñanza do Courel arredor da castaña

  A Deputación de Lugo participou este sábado na XXXVII Festa da Castaña do Courel,...