InicioLugo e contornaDetidos os membros dunha banda de delincuentes xuvenís

Detidos os membros dunha banda de delincuentes xuvenís

Os tres detidos son reincidentes.

PUBLICADA O

- Advertisement -

A Policía Nacional detivo a tres mozos, un maior de idade e dous menores, reincidentes como presuntos autores de roubo con forza en vehículos en garaxes de Lugo. Segundo informou a Policía Nacional, varios cidadáns presentaron a finais do mes de abril denuncia por roubo no interior de vehículos que estaban estacionados en garaxes da zona norte da cidade.

“Os coches presentaban probas de ser forzados, ou ben as súas fechaduras ou ben con algún dos portelos fracturados”, indicou a Policía, que engade que nalgún dos casos subtraeron unha tableta ou un navegador.

Noutros casos non levaron nada, pero causaron “máis dano na desfeita que co roubo”, sinalaron as mesmas fontes policiais. Por iso, axentes solicitaron “probas e indicios que demostraban a intervención destes delincuentes”, o que determinou a participación dos mesmos nos roubos.

Unha vez identificados a Policía Nacional estableceu un dispositivo de busca para localizalos e detelos. Deste xeito, foron interceptados cando transitaban polas rúas da cidade de Lugo. Posto en coñecemento da Fiscalía de Menores as detencións, os mozos foron entregados aos seus proxenitores, coa advertencia de presentarse á orde xudicial cando sexan requiridos. Mentres, o maior de idade quedou a disposición da autoridade xudicial.

As pescudas e detencións foron levadas a cabo polo Grupo II contra o patrimonio da Brigada Provincial de Policía Xudicial.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...