Lugo acolle esta fin de semana un espectáculo que fará gozar ao público familiar. Trátase de ‘La Sirenita’ unha produción escénica que convida ao público a mergullarse nun mundo submarino cheo de aventuras, emocións e personaxes inesquecibles.
A historia segue a Ariel, unha nova serea curiosa e soñadora que anhela descubrir o mundo humano. Impulsada polo seu espírito aventureiro e a súa fermosa voz, Ariel decide facer un arriscado trato con Úrsula, a temida bruxa do mar. A cambio da súa voz, a nova sirena transfórmase en humana coa esperanza de conquistar o amor do príncipe Eric e atopar o seu lugar no mundo.
O ESPECTÁCULO
Destaca pola súa coidada posta en escena, que recrea os misteriosos fondos mariños e os maxestosos palacios submarinos. O vestiario cheo de cor, as coreografías dinámicas e os efectos visuais transportan ao público a un universo cheo de vida, fantasía e emoción. A música é un dos grandes protagonistas do musical, con cancións inesquecibles como “BAJO EL MAR”, “PARTE DE ÉL” e “BÉSALA”, que acompañan os momentos máis emocionantes da historia. “Estas melodías, coñecidas por varias xeracións, converten o espectáculo nunha experiencia participativa e emocionante para o público. Con actuacións cheas de enerxía, unha escenografía envolvente e unha historia que fala de soños, valentía e amor, “La Sirenita” preséntase como unha proposta cultural ideal para desfrutar en familia.
“O musical promete transportar a grandes e pequenos a un mundo de fantasía submarina e deixar unha pegada de alegría en todos aqueles que se deixen levar por esta aventura teatral”, engaden os organizadores.
