O BNG rexistrou unha batería de iniciativas no Congreso para reclamar ao Goberno central actuacións inmediatas e efectivas para mellorar o estado da estrada N-V ao seu paso pola cidade de Lugo. O deputado nacionalista no Congreso, Néstor Rego, denunciou o “abandono” por parte do Ministerio de Transportes dunha vía que “rexistra graves deficiencias estruturais”.
“A N-V é unha das principais vías de entrada e saída da cidade de Lugo e atopámola chea de buracos, brechas e zonas do firme afundidas, con tramos nos que o asfalto presenta a típica ‘pel de crocodilo’ que evidencia unha deterioración extrema”, reprochou.
Así, tal e como detallou o Bloque nunha nota de prensa, as demandas da formación teñen como base un informe técnico elaborado polos servizos municipais do Concello de Lugo, que xa foi remitido á Delegación do Goberno e que recolle “problemas graves” en sete tramos diferentes, incluída a saída de Lugo cara a Madrid, a avenida dás Américas, a contorna de Garabolos, o acceso á avenida de Breogán ou o lugar de Xián.
Neste sentido, Rego destacou que “a deterioración do firme” constitúe un risco para a seguridade dos condutores Ante esta situación, o BNG pide ao Executivo central que aprobe a execución inmediata dun plan de actuación integral para reparar o sete tramos afectados.
