- Advertisement -
A Dirección Xeral de Tráfico (DGT) informa de que a circulación está condicionada na estrada LU-663, en Pedrafita, debido á meteoroloxía adversa. Así, a advertencia afecta en concreto ao tramo entre o quilómetro 0 (Pedrafita) e o quilómetro 20 (Queixadoiro), en ambos os sentidos, debido á nevada. A estrada é transitable, pero a DGT avisa da necesidade de ter precaución.
O impacto da borrasca ‘Ivo’ está a deixarse notar tamén noutras estradas da rede viaria galega. Segundo informaba o 112, ata o pasado mediodía xestionáronse 68 incidentes (dun total de 212) por caídas de ramas e árbores nas estradas, e rexistráronse dous accidentes en Ourense e Pontevedra provocados polas granizadas.
