O goberno local de Lugo lamentou “profundamente” os actos vandálicos realizados no canil de Frigsa, un recinto que se inaugurou o pasado 8 de xullo e cuxa renovación contou cun investimento próximo aos 96.000 euros.
Segundo explicou o concello lucense nunha nota de prensa, os danos “máis graves” realizáronse no sistema de rega, afectando así “aos difusores e ás electroválvulas”, o que deteriorou especialmente no céspede en plena épca estival.
Así mesmo, rexistráronse danos na mesa de peiteado e lavado dos cans, que forma parte dos servizos dispoñibles do canil. Deste xeito, o goberno local asegurou que “xa está a traballar” para solucionar estes danos no “menor tiepmo posible” para que o canil estea operativo “canto antes”.
“É unha pena ver como se está deteriorando unha instalación na que o goberno local investiu esforzo e recursos, atentiendo ás demandas dos veciños”, indicou o concelleiro de Transición Ecolóxica, Miguel Fernández. Nesta liña, o Concello de Lugo fixo un chamamento ao “civismo” e solicitou a colaboración cidadá para coidar destas instalacións.
