A subdelegada do Goberno en Lugo, Isabel Rodríguez, supervisou este venres as obras da nova glorieta que se está construíndo na intersección do quilómetro 513,670 da N-6, no concello de Outeiro de Rei.
Na súa visita á zona estivo acompañada polo alcalde, José Pardo. Trátase dunha actuación financiada polo Ministerio de Transportes, Mobilidade e Axenda Urbana cun custo de 405.485,86 euros.
A subdelegada explicou que “a intervención consiste na transformación en glorieta da actual intersección en ‘T’ da estrada N-6 coa estrada autonómica LU-115, o que mellorará a súa funcionalidade ao resolver os importantes movementos de xiro que alí se realizan”.
Coa glorieta, búscase incrementar a seguridade viaria da zona, facilitando todos os movementos e permitindo reducir a velocidade media do tráfico ao seu paso pola travesía de Outeiro de Rei, dispondo, ademais, de novos cruces peonís seguros no tres accesos á mesma.
