InicioSociedadeA Xunta investirá 1,2 millóns na construción dunha residencia de maiores de...

A Xunta investirá 1,2 millóns na construción dunha residencia de maiores de titularidade municipal en Riotorto

PUBLICADA O

- Advertisement -

A Xunta de Galicia financiará con 1,2 millóns de euros a construción dunha residencia de maiores de titularidade municipal no concello lucense de Riotorto. O xerente do Consorcio Galego de Servizos de Igualdade e Benestar, Perfecto Rodríguez, o delegado territorial da Xunta en Lugo, Javier Arias, e o alcalde do concello, Clemente Igrexas, visitaron este martes a parcela na que se edificará o centro, que disporá de 37 prazas.

Esta actuación desenvolverase no marco do novo Plan de Investimentos de 18,5 millóns de euros co que o Executivo autonómico financia unha vintena de proxectos de construción, reforma ou ampliación de residencias, centros de día, vivendas comunitarias e centros sociais de titularidade municipal. Un plan acordado coa Federación Galega de Municipios e Provincias (Fegamp).

A construción da futura residencia de Riotorto terá un custo total de 1,8 millóns de euros e será o Concello o que se encargue da licitación e contratación das obras unha vez que se asine o convenio de colaboración entre as Administración autonómica e local. O inmoble presentará unha estrutura modular con semisótano, que acollerá o garaxe e distintos servizos como o de lavandaría; planta baixa para os espazos comúns, como comedor ou sala de enfermaría; e a planta alta, que quedará reservada para as habitacións.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...