A 4ª Feira en Defensa do Gandeiro da Montaña, que se celebra no municipio lucense de Cervantes, superou os 200 animais do ano pasado entre gando vacún, equino, ovino e caprino procedente de ganderías da Fonsagrada, Castroverde, As Nogais, Becerreá, Navia de Suarna, Cervantes ou Asturias.
Segundo informou a Deputación de Lugo, que achegou 6.000 euros e levou tres exemplares procedentes do centro de recría da Granxa Gayoso Castro, o prezo medio dos animais foi de 2.516 euros. O máis elevado ascendeu a 2.850 euros. A asociación Territorio Verde, co apoio do Concello, recuperou no ano 2019 esta feira tradicional co obxectivo de poñer en valor a actividade gandeira e enxalzar o espírito das feiras de hai 40 anos que se celebraban ao aire libre e eran o principal punto de venda de gando na Montaña lucense.
