InicioSociedadeO novo comisario xefe da Policía Nacional de Lugo promete no seu...

O novo comisario xefe da Policía Nacional de Lugo promete no seu nomeamento “manter a cidade como unha das máis seguras de España”

Luís Miguel Romera xura o seu cargo como xefe da Policía Nacional nunha provincia que experimenta "un leve repunte da delincuencia".

PUBLICADA O

- Advertisement -

O novo comisario xefe da Policía Nacional en Lugo, Luís Miguel Romera, tomou este mércores posesión do seu cargo nun acto celebrado na Subdelegación do Goberno e comprometeuse a “manter” a posición de Lugo como “unha das cidades máis seguras de España”. Así o asegurou o propio comisario, que estará ao mando das tres comisarías (Lugo, Viveiro e Monforte de Lemos) da Xefatura Provincial, nunha solemne cerimonia na que tamén tomaron parte a alcaldesa da cidade, Lara Méndez; a subdelegada do Goberno en Lugo, Isabel Rodríguez; e o delegado da Xunta, Javier Arias; xunto a outros altos mandos da Policía Nacional.

Romera, que antes de ser designado para o seu novo cargo desempeñábase como xefe provincial de Operacións na Comisaría de Lugo, agradeceu “a confianza depositada” e prometeu “dedicación e esforzo” para “alcanzar a excelencia na prestación de servizos” á cidadanía. “Traballaremos para proporcionar á provincia lucense unha contorna segura”, manifestou o novo comisario provincial, para acto seguido avanzar que a Policía Nacional centrará os seus esforzos na prevención dos feitos que, subliñou, “máis preocupación causan ao cidadán”, como “as agresións sexuais, a violencia sobre a muller ou os delitos relacionados con Internet e contra a saúde pública”.

“LEVE REPUNTE” DA DELINCUENCIA

No acto de toma de posesión interveu tamén o xefe superior de Policía de Galicia, Ramón Gómez Nieto, quen destacou a “gran preparación profesional” e a “dilatada experiencia de mando” do novo comisario que conta, subliñou, con “máis de 37 anos de servizo”. Tamén revelou Gómez Nieto o balance publicado pola Secretaría de Estado sobre os datos de criminalidade rexistrados este ano e chamou a atención sobre o lixeiro ascenso da actividade delituosa na provincia ao longo dos últimos meses.

“Lugo atópase por baixo da media nacional en canto a infraccións penais rexistradas, pero temos que recoñecer que no último trimestre tivemos un leve repunte da criminalidade”, desvelou o xefe superior de Policía, antes de desexar a Romera unha “frutífera e ilusionante” etapa á fronte da Comisaría Provincial.

Nunha liña similar manifestouse durante a cerimonia a subdelegada do Goberno en Lugo, Isabel Rodríguez, que puxo de relevo o feito de que as estatísticas sitúen á provincia como “un dos territorios de España con menos conflitividade” e instou ao novo comisario a seguir traballando de maneira conxunta en “a protección das liberdades das persoas e colectivos” da sociedade lucense.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...