InicioSociedadeA Deputación de Lugo volve denunciar incumprimento de servizos mínimos dos bombeiros...

A Deputación de Lugo volve denunciar incumprimento de servizos mínimos dos bombeiros de Viveiro e Vilalba por cuarto día consecutivo

PUBLICADA O

- Advertisement -

Deputación de Lugo volve denunciar incumprimento dos servizos mínimos dos bombeiros dos parques dos municipios de Viveiro e de Vilalba. Nun comunicado, o Consorcio Provincial contra Incendios e Salvamento de Lugo informou de que dos catro efectivos previstos no cuadrante deste domingo en Viveiro, só se incorporaron dous, “incumpríndose así os servizos mínimos”.

En Vilalba, indican que se incorporaron tres traballadores, pero un deles “ausentouse para ir ao médico”, quedando así tamén dous efectivos no parque chairego. Ante esta situación, “e atendendo á premisa de dar cobertura á maior zona e poboación posible”, o Consorcio comunicou ao 112 que os dous efectivos de Viveiro desprazáronse a Vilalba para prestar servizo na xornada deste domingo, e que as incidencias do parque viveirense atenderanse desde Vilalba e Barreiros.

Este novo comunicado do goberno provincial sucede a outros tres emitidos desde o xoves nos que advertía ao colectivo de bombeiros, que está en folga indefinida desde o pasado mes de xuño, que acudiría á vía xudicial “de producirse algunha consecuencia”. Neste contexto, este mesmo venres, o comité de folga dos bombeiros comarcais enviou outro comunicado no que acusa á Deputación de “tentar condicionar o lexítimo dereito de folga” con estas “ameazas” e desvía a responsabilidade.

“Son os consorcios provinciais, non nós, os que non prestan os seus servizos, pois a responsabilidade de garantir os servizos mínimos é súa, a través dun persoal que poida traballar en condicións dignas, non de precariedade nin á conta de verse obrigados a facer horas extra”, afirma o comité.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...