InicioSociedadeA Audiencia de Lugo condena a un ano de cárcere a un...

A Audiencia de Lugo condena a un ano de cárcere a un home por estafar 700 euros a un usuario dunha web de compravenda

O interlocutor solicitoulle á vítima que ingresase o diñeiro nunha conta titularidade do condenado, "finxindo a súa disposición e vontade de levar a cabo a entrega", algo que nunca se produciu, a pesar de recibir o pago. Tanto o anuncio como o diñeiro da conta foron retirados, sinala o fallo, "de maneira case inmediata".

PUBLICADA O

- Advertisement -

A Sección Segunda da Audiencia Provincial de Lugo condenou a un ano de cárcere a un home que estafou 700 euros a un usuario da web de compravenda ‘milanuncios.com‘. Segundo o relato de feitos probados da sentenza, con data do pasado 17 de outubro, o procesado ofertou a través da mencionada páxina unha máquina localizadora de cans e catro colares. O denunciante contactou con el ou con outra persoa, en conivencia co acusado, para adquirir os produtos.

O interlocutor solicitoulle á vítima que ingresase o diñeiro nunha conta titularidade do condenado, “finxindo a súa disposición e vontade de levar a cabo a entrega”, algo que nunca se produciu, a pesar de recibir o pago. Tanto o anuncio como o diñeiro da conta foron retirados, sinala o fallo, “de maneira case inmediata”.

A Audiencia subliña que a autoría do acusado “advírtese evidente no presente caso” en base a que “o teléfono a través do cal levou a cabo a negociación figura ao seu nome, así como a conta na que se ingresou o diñeiro e efectuouse a retirada de maneira inmediata, así como do propio anuncio que xa non figuraba uns días despois colgado na páxina na que se ofertaba”. Por estes feitos, os maxistrados condenárono como autor dun delito de estafa e impuxéronlle unha pena dun ano de prisión. Ademais, deberá indemnizar á vítima con 700 euros.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...