InicioA UlloaAntas de UllaAntas de Ulla recibirá do Goberno algo máis dun millón de euros...

Antas de Ulla recibirá do Goberno algo máis dun millón de euros para actuacións de mellora

O delegado do Goberno, Pedro Branco, euniuse coa alcaldesa, Pilar García Porto, e visitaron a Casa de Cultura, que nos próximos meses vai ser obxecto de melloras.

PUBLICADA O

- Advertisement -

O delegado do Goberno, Pedro Blanco, desprazouse este xoves ao municipio lucense de Antas de Ulla, onde o Executivo destinou axudas por importe de 1,12 millóns de euros, para supervisar as actuacións que se están financiando no municipio.

Branco reuniuse coa alcaldesa, Pilar García Porto, no Concello. Tras isto, os dous visitaron a Casa de Cultura, que nos próximos meses vai ser obxecto de melloras que permitirán reordenar espazos para poder acoller unha oferta cultural máis atractiva.

Para iso, apuntan nun comunicado, o Goberno achega 816.885 euros para unha actuación que ascende a 945.000 millóns de euros, que completará o Concello de Antas de Ulla, e que servirán tamén para arranxar a súa cuberta e a súa fachada e mellorar así a súa eficiencia enerxética.

Tamén repasaron outros investimentos da Administración estatal na localidade, como os 241.412 euros en axudas para eficiencia enerxética, que posibilitaron a renovación de case todos os puntos de luz do municipio, ou o esforzo para levar internet de alta velocidade a case 400 fogares e negocios de Antas de Ulla que ata agora non gozaban deste servizo co Programa Único do Ministerio de Asuntos Económicos.

Doutra banda, o Concello tamén está pendente da resolución dunha axuda de 400.000 euros do Ministerio de Industria, Comercio e Turismo con cargo aos fondos do Plan de Recuperación do Goberno para acondicionar o espazo e humanizar a contorna de Praza Nova.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...