InicioSociedadeBaleira repulsa o fallo xudicial de abusos a unha menor e prepara...

Baleira repulsa o fallo xudicial de abusos a unha menor e prepara máis iniciativas para expresar o seu rexeitamento

Houbo unha redución de condena a tres anos de cárcere polo pacto entre o Ministerio Público e os acusados

PUBLICADA O

- Advertisement -

O Concello de Baleira convocará un pleno extraordinario para sacar, “unanimemente”, un comunicado de repulsa tras a sentenza de abusos sexuais a unha menor, pola que foron condenadas a tan só tres anos o tres procesados.

O alcalde, Anxo Martínez, confirmou que “no pleno ordinario decidiuse facer un pleno extraordinario, unha vez coñecida a sentenza e nese pleno decidirase se sacar un comunicado de repulsa e que tipo de accións pódense desenvolver”.

O fallo xudicial transcendeu en días pasados e a semana pasada deuse a coñecer en contido, despois de que a Audiencia Provincial de Lugo asinase a sentenza.

Nela, recóllese a redución de condena a tres anos de cárcere polo pacto entre o Ministerio Público e os acusados e alégase “dilacións” non imputables aos procesados, así como resarcimiento á vítima, por pagarlle 50.000 euros de indemnización.

O tres detidos son a irmá maior da vítima, que conseguiu convencer á irmá das relacións sexuais cando tiña 7 ou 8 anos co irmán do seu marido, é dicir, o irmán do cuñado da vítima. Tamén violou á menor o seu propio cuñado (marido da irmá da vítima), que a deixou embarazada (xa estivo embarazada por primeira vez con 11 anos) dun bebé ao que deu a luz con 13 anos e que tivo que dar en adopción.

ACATAR A SENTENZA

Martínez secundou que “a sentenza non queda outra que acatala, pero imos ver que pasos imos seguir a partir de agora”. “O que di a sentenza está tecnicamente ben, aínda que sexa difícil de entender”, subscribiu.

En canto a accións a levar a cabo, o alcalde de Baleira puntualizou que se persegue “expresar a repulsa unánime” da corporación, polo que suxeriu que podería convocar unha manifestación ou mesmo promover “a iniciativa dun veciño de recoller firmas”. “Calquera cousa, pero que isto non se volva a repetir e a sociedade conciencíese de que coa violencia non se vai a ningún lugar”, explicou.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...