InicioSociedadeLugo homenaxea ao sector da enfermaría 400 anos despois de chegar á...

Lugo homenaxea ao sector da enfermaría 400 anos despois de chegar á cidade

Situouse moi preto da Igrexa de San Froilán.

PUBLICADA O

- Advertisement -

A Praza de Ferrol da cidade de Lugo, á beira da igrexa de San Froilán, é desde este venres un lugar de homenaxe á enfermaría tras a inauguración dunha estatua en honra a esta profesión.

O descubrimento da escultura tivo lugar este venres con presenza do presidente da Deputación de Lugo, José Tomé, e a alcaldesa da cidade, Lara Méndez, acompañados no acto pola presidenta do colexio de enfermaría de Lugo, Lourdes Carballo, e o presidente da Academia de Enfermaría, Isidoro Rodríguez.

Este último lembrou que neste ano de 2021 cúmprense “400 anos da área sanitaria da cidade“, como así o testemuñan os primeiros documentos que apuntan ao ano 1621, cando o bispo da cidade, López Galo, decidiu restaurar as torres do Conde, propiedade dos Condes de Lemos para dedicalo a hospital xeral.

Este aglutinaba a todos os hospitais que había na cidade e situouse moi preto da Igrexa de San Froilán, na Praza de Ferrol, lugar elixido para situar a escultura, que representa a unha enfermeira ofrecendo a súa man.

A acción, promovida polo colexio de enfermaría de Lugo, conforma “e recoñecemento que se lle fai á profesión, que si xa a tiñamos moi valorada antes da pandemia, a pandemia fixo ver o imprescindible que é”, sinalou a rexedora.

“É a man tendida que sempre nos atopamos no colectivo, no sector da enfermaría, desde a atención primaria ata nos hospitais e queriamos facer ese recoñecemento, no ano que a OMS declarou o Ano Internacional da Enfermaría e que en Lugo tivese o seu espazo e o seu recoñecemento”, destacou Méndez.

Así mesmo, o presidente da Deputación de Lugo, José Tomé, subliñou que se trata de “unha homenaxe ao colectivo de choque da sanidade”, mentres que a a a presidenta do colexio, Lourdes Carballo, manifestou que con esta homenaxe quérese “representar os valores desta profesión”.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...