InicioTerra CháCastro de ReiA auga de Castro de Rei volve ser potable tras baixar os...

A auga de Castro de Rei volve ser potable tras baixar os niveis de arsénico

O alcalde apunta que a potabilidade dáse dende hai xa quince días.

PUBLICADA O

- Advertisement -

Os niveis de arsénico na auga da traída en Castro de Rei sitúanse xa por baixo de limítelos recomendados. Así o constatou o alcalde, Francisco Balado, que valorou a recuperación da “normalidade” no municipio tras verse obrigados a restrinxir o servizo para consumo humano en 14 parroquias hai dúas semanas.

A situación afectou a máis de 3.000 veciños, máis da metade da poboación do municipio, pero Balado destacou que “os parámetros cúmprense desde fai quince días” e “respírase tranquilidade, que é o máis importante”. O alcalde atribuíu o problema a “unha pequena avaría que supuxo que a auga bruta pasaba polos filtros sen facer o proceso de filtrado”, o que provocou “unha descompensación dos parámetros”.

“Afortunadamente emendouse a avaría e xa se pode consumir con total tranquilidade e xa se fai así desde fai un par de semanas”, reiterou Balado. Tanto é así que os “limites”, neste momento, están por baixo do aconsellado, que é de 0,10 miligramos de arsénico por litro de auga.Agora, segundo o rexedor de Castro de Rei, estes sitúanse entre “0,6 ou 0,7 miligramos”.

“É unha situación que nos produce tranquilidade e confianza para poder destinar a auga a consumo humano e poder abastecela en condicións de tranquilidade”, incidiu finalmente Francisco Balado.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...