InicioSociedadeLugo ten só catro pacientes hospitalizados con Covid

Lugo ten só catro pacientes hospitalizados con Covid

O número de casos activos é de 169.

PUBLICADA O

Galicia arrinca o mes de outubro con 930 casos activos de Covid-19, tras baixar por primeira vez no que vai de ano de mil infeccións, algo que non sucedía desde o 12 de agosto de 2020; cun lixeiro aumento dos novos contaxios a 40 –supoñen 18 máis que o día anterior– e un descenso dos pacientes hospitalizados ata o 48 –seis menos–. Pola súa banda, a taxa de positividade aumenta a un 1,9 por cento. Segundo os datos actualizados pola Consellería de Sanidade este venres con rexistros ata as 18,00 do xoves, descenden a 12 as persoas ingresadas en unidades de coidados intensivos –tres menos– e baixan a 36 as hospitalizadas noutras unidades de hospitalización –tres menos–, mentres que 882 pacientes permanecen en seguimento domiciliario. Por áreas sanitarias, a presión hospitalaria descende en Lugo, que rexistra un crítico –un menos— e tres noutras unidades –dous menos–. MENOS DE MIL CASOS ACTIVOS Galicia afronta o inicio de outubro con menos de mil casos activos de Covid-19, ao descender a 930, que supoñen 76 menos que o día anterior, ao haber máis altas (115) que contaxios (40), ao que se engade un falecemento. As infeccións activas descenderon nas sete áreas sanitarias, coa de Lugo á cabeza (-21), que queda con 169. MÁIS CONTAXIOS Pola súa banda, os novos contaxios de Covid-19 aumentan a 40 no conxunto de Galicia, que implican 18 máis que os 22 da xornada anterior; tras arrincar a semana con 33, baixar a 29 o martes e aumentar a 40 o mércores. Deles, nove correspóndense á área de Lugo.

ÚLTIMAS

Cae unha rede que extorsionaba homes en webs de citas sexuais

A Garda Civil detivo a unha persoa e investiga a outro catro acusadas de...

Prosegue a procura da anciá de 85 anos desaparecida hai unha semana no barrio de Montirón

A Policía Nacional continúa dirixindo a procura de Isaura, a anciá de 85 anos que non volveu...

O PP de Lugo pide ao Goberno aclarar se abrirá este verán un novo tramo da A-54

Os senadores do PP de Lugo --José Manuel Barreiro, José Manuel Balseiro e Juan Serrano-- pediron...

Perdera o carné por orde xudicial e seguía conducindo

A Policía Local de Lugo denunciou, por un delito contra a seguridade viaria, a...