A Deputación de Lugo presentou este xoves 24 de xuño unha nova edición de Actividades Fluviais, un programa de lecer que ofrece actividades acuáticas de balde. O programa está dirixido a un público familair e poderán anotarse maiores de 6 anos no propio lugar das actividades.
As actividades desenvolveranse durante o mes de xullo nos concellos de Ribeira de Piquín, Trabada, Alfoz, Vilalba, Begonte, Navia de Suarna, Láncara, Ribas de Sil, Monterroso e Guitiriz.
Con este programa, con actividades como kaiak, paddle surf ou outros xogos acuáticos, a Deputación de Lugo pretende non só ofertar alternativas de ocio ao aire libre, senón tamén “contribuír e dinamizar a vida social e económica dos concellos e mostrar o potencial do rico patrimonio fluvial da provincia”, como apuntou o presidente da Deputación de Lugo, José Tomé Roca.
As Actividades Fluvais tiveron boa acollida nas edicións anteriores, participando no pasado ano 700 rapaces e rapazas de diferentes idades. Os protocolos de prevención da Covid-19, que xa se levaron a cabo na última edición, estarán de acordo ao determindado polas autoridades sanitarias.
Na presetanción deste programa de lecer participaron o presidente da Deputación de Lugo, a Deputada de Réxima Interior, Promoción do Territorio e Turismo e representantes municipais da maioría dos concellos nos que se desenvolverán as actividades. Tomé Roca lembrou como ademais das Actividades Fluviais, a Deputación tamén colabora coa Gold River Race, unha regata que nace sendo a máis longa de Europa.
