InicioSociedadeArquivadas as actuacións sobre a Cámara de Comercio por presuntas irregularidades

Arquivadas as actuacións sobre a Cámara de Comercio por presuntas irregularidades

O maxistrado explica no auto, contra o que cabe presentar recurso, que carecen de validez todas as dilixencias acordadas con posterioridade ao 6 de xuño de 2016, data na que venceron o seis meses de prazo máximo legal para a instrución do caso.

PUBLICADA O

- Advertisement -

O Xulgado de Instrución número 1 de Lugo acordou o sobresemento provisional e arquivo das actuacións nas que se investigou a unha ducia de exdirectivos da Cámara de Comercio, Industria e Navegación de Lugo tras a emisión dun informe, por parte do Consello de Contas, correspondente aos exercicios 2010 e 2011 que puña de relevo supostas irregularidades na xestión da entidade.

O maxistrado explica no auto, contra o que cabe presentar recurso, que carecen de validez todas as dilixencias acordadas con posterioridade ao 6 de xuño de 2016, data na que venceron o seis meses de prazo máximo legal para a instrución do caso.

O xuíz indica que, aínda que antes de chegar esa data límite ditouse, o 2 de xuño de 2016, un auto que declaraba a causa complexa e se fixaba o prazo legal máximo en 18 meses –a computar desde a súa incoación–, un exame das actuacións “permite constatar que dito auto se ditou de oficio polo xulgado, sen que o solicitase o Ministerio Fiscal, e sen previo traslado ás partes”.

Por iso, conclúe que ha de entenderse que esa declaración de complexidade e ampliación do prazo legal máximo de instrución da causa “carece de toda validez e, a consecuencia, todas as dilixencias practicadas unha vez precluido o prazo legal máximo inicial de seis meses para a instrución son nulas de pleno dereito”.

Ademais, o xuíz subliña que non é posible realizar novas dilixencias de instrución e recalca que as válidamente practicadas “non permiten concluír indiciariamente que as condutas denunciadas sexan constitutivas de delito“, informa o Tribunal Superior de Xustiza de Galicia (TSXG).

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...