A área sanitaria de Lugo rexistra este xoves 8 de abril 142 casos activos de coronavirus (3 menos ca onte), un descenso que se dá logo de dous días consecutivos de lixeiras repuntas. A cifra de novos positivos detectados a través de PCR nas últimas 24 horas foi de 5.
A melloría tamén afecta á presión asistencial, pois o total de hospitalizacións redúcese a 8 (-2), todas elas no Hospital Universitario Lucus Augusti. Hai cinco pacientes en planta e outros tres que permanecen nas Unidades de Coidados Intensivos.
Dende o inicio da pandemia, faleceron 212 persoas diagnosticadas de Covid-19 na provincia de Lugo, curáronse 11.758 e realizáronse 209.323 probas PCR.
GALICIA
No conxunto galego, a tendencia é favorable: os contaxios confirmados descenden a 132 e minguan tamén as hospitalizacións. Podes ler a información completa no Galicia Confidencial.
