InicioSociedadeA Liga Reumatolóxica Galega colaborará co Hula para "optimizar recursos"

A Liga Reumatolóxica Galega colaborará co Hula para “optimizar recursos”

Asinaron un acordo de colaboración que lles permitirá recoller os datos necesarios para obter resultados cualitativos e cuantitativos ao redor das enfermidades reumáticas.

PUBLICADA O

- Advertisement -

Sobre medio millón de galegos padece algunha doenza reumatolóxica, polo que, co “obxectivo de xuntar esforzos en diferentes ámbitos para optimizar recursos”, o Hospital Universitario Lucus Augusti (HULA) de Lugo e a Liga Reumatolóxica Galega (Lirega) asinaron un acordo de colaboración que lles permitirá recoller os datos necesarios para obter resultados cualitativos e cuantitativos ao redor das enfermidades reumáticas.

Así o explicou a entidade nun comunicado, que concreta que “gran parte dos esforzos de Lirega, que pertence ao Consello Asesor de pacientes, están destinados a que o paciente tome un rol cada vez máis activo e participativo no tratamento da súa patoloxía contribuíndo tamén á optimización e mellora do sistema sanitario”.

Segundo comentou a presidenta de Lirega, Ana Vázquez, “é importante que os pacientes tomen un rol 100% activo e se involucren na abordaxe e tratamento da súa enfermidade”. “A relación co seu médico é clave para iso e desde as asociacións animamos a preparar ben as consultas, a expor todas as dúbidas e inquietudes que xurdan ao redor da enfermidade. É a forma de contribuír co seu benestar e coa mellora do sistema sanitario”, abundou.

O acordo foi asinado por Ramón Ares Rico, xerente do hospital; a doutora Pilar Rodríguez Ledo, da Subdirección de Humanización, calidade e atención á cidadanía de Lugo; e Gloria Enríquez Sanjurjo, supervisora da área de Humanización. Por parte de Lirega acudiron a presidenta da entidade, co equipo técnico principal integrado por Lucía Fernández Caamaño (terapeuta ocupacional), Jessy Viqueira San José (psicólogo) e José León (xerente).

VISIBILIZAR

Durante a firma, representantes de ambas as entidades valoraron as accións realizadas ata a data para visibilizar e concienciar acerca das enfermidades reumáticas a través campañas de sensibilización como ‘Ligaflash’, unha exposición fotográfica para visibilizar as enfermidades reumáticas e musculoesqueléticas ou unha solta de globos con motivo do día das enfermidades reumáticas.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...