- Advertisement -
A alcaldesa de Lugo, Lara Méndez, empezou este mércores un período de corentena tras dar positivo en Covid-19.
Segundo informa o Consistorio, a rexedora séntese ben fisicamente, aínda que con síntomas de cansazo. Permanecerá no seu domicilio confinada e dende alí exercerá o seu labor a través do teletraballo.
Desde a área de Alcaldía remitiuse ao Servizo Galego de Saúde (Sergas) a axenda institucional dos últimos días para que poida realizar o seguimento e decidir os pasos que se dan.
En clave de partido, un dos actos nos que participou nos últimos días Lara Méndez é o evento de igualdade organizado o sábado polo PSdeG, ao que acudiron varias dirixentes socialistas e tamén o líder do PSdeG, Gonzalo Caballero.
