InicioSociedadeMorre de covid José Ramón Ónega, delegado da Casa de Galicia en...

Morre de covid José Ramón Ónega, delegado da Casa de Galicia en Madrid

É natural de Pol e irmán do xornalista Fernando Ónega. A Xunta destaca que "é o mellor embaixador que tivo Galicia en Madrid".

PUBLICADA O

- Advertisement -

O delegado da Casa de Galicia en Madrid, José Ramón Ónega, faleceu nas últimas horas na capital española vítima do covid-19, segundo informaron a Europa Press fontes da administración autonómica.

Nacido en Pol (Lugo) no ano 1939 e irmán do xornalista Fernando Ónega, ocupaba o cargo de delegado da Casa de Galicia desde o ano 2009.

José Ramón Ónega, licenciado en Dereito pola Universidade de Santiago (USC), foi gobernador civil de Zamora (de 1979 ao 82) e de Biscaia (1982). Ao longo da súa traxectoria desempeñou distintos cargos no Ministerio do Interior, ademais de publicar varios libros e colaboracións en prensa.

XUNTA

Pola súa banda, a Xunta de Galicia expresou a súa pesar polo falecemento do delegado da Casa de Galicia en Madrid, José Ramón Ónega, a quen o presidente autonómico, Alberto Núñez Feijóo, definira como “o mellor embaixador que Galicia puido ter en Madrid”.

A Xunta agradece o esforzo de Ónega, que formaba parte “desa ampla lexión de galegos que souberon galleguizar Madrid”, por facer da Casa de Galicia un lugar “coas portas abertas para a sociedade, a cultura ou as empresas con raíces” en terra galega.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...