O temporal que nas últimas horas mantivo a toda Galicia en nivel de alerta deixou entre esta madrugada e o mediodía ventos que, en zonas altas das provincias de Lugo e Ourense, superaron os 120 quilómetros por hora (km/h).

En concreto, segundo os valores rexistrados por Meteogalicia, as velocidades máximas rexistráronas dous medidores situados a máis de 900 metros de altitude: o do Xistral, en Muras, con 120,1 km/h ás 3:50 horas da mañá; e o do lugar de Lardeira, en Carballeda de Valdeorras (Ourense), que notificou refachos de 123,6 km/h ás 12,30 do mediodía deste sábado.

Ademais, os dous seguintes valores máis extremos correspóndense con estacións meteorolóxicas situadas na costa do norte, a menos de 900 metros de altitude, polo que o temporal azoutou con forza a gran parte da xeografía galega.

Dos observatorios do litoral, o de Penedo do Galo, no municipio lucense de Viveiro, rexistrou ventos de 113,4 kilómtros por hora ás 2,40 da madrugada. Mentres tanto, en Punta Candieira, en Cedeira (A Coruña), foron de 108 km/h ás 5,50 horas.