InicioSociedadeDous proxectos biotecnolóxicos de Cospeito e Lugo optan aos Premios Bioga

Dous proxectos biotecnolóxicos de Cospeito e Lugo optan aos Premios Bioga

As compañías iBoneLab e Innogando compiten contra outras 19 empresas galegas nestes importantes galardóns.

PUBLICADA O

- Advertisement -

Un total de 21 proxectos compiten neste 2020 aos VIII Premios Bioga, convocados polo Clúster Tecnolóxico Empresarial das Ciencias da Vida (Bioga) para incentivar o desenvolvemento de iniciativas empresariais vinculadas á biotecnoloxía. Entre os candidatos, hai dous proxectos lucenses: IBoneLab , de Lugo capital; e Innogando , de Cospeito.

IBoneLab é unha compañía de Lugo especializada no estudo da integración de biomateriais en tecidos vivos. Pola súa parte, Innogando, con sede en Cospeito, desenvolve tecnoloxía informática que favorece o benestar dos animais nas explotacións gandeiras, ademais de facilitar a xestión dos propietarios de granxas.

Os Premios Bioga, que contan co apoio da Xunta a través da Axencia Galega de Innovación,  entregaranse o vindeiro 10 de decembro nunha gala con capacidade limitada e retransimisión virtual.  Distinguen tres modalidades: premio á empresa máis innovadora, premio á máis competitiva e premio á mellor idea empresarial neste 2020.

Completan a listaxe de candidatos Beta Implants (Salvaterra), BFlow (Santiago), Biopranaworld (Pontevedra), Chemosapiens (A Coruña), Creativigo (Vigo), DIVERSA (Santiago), EuroEspes (A Coruña), FlowReserve (Santiago), Galacteum (Melide), Gerifarma (A Coruña), Glecex (Ourense), Gurung Atlantic Blending Co (Ourense), KeyBiological (Vigo), Libera Bio (Santiago), Ozoaqua (Santiago), Ozovet (Santiago), Stelabus (Santiago) e Terapia Antimetastásica (A Coruña).

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...