InicioSociedade'Eramos Poucos': o relato sobre o que foron, o que son e...

‘Eramos Poucos’: o relato sobre o que foron, o que son e o que queren ser na Montaña lucense

Como evolucionaron os concellos de Baleira, As Nogais e Cervantes? Cales son as súas problemáticas e cales as súas oportunidades? O xornalista friolés Álex Vázquez explora estas cuestións no proxecto multimedia que vén de presentar como Traballo de Fin de Máster.

PUBLICADA O

- Advertisement -

O xornalista Álex Vázquez (Narla – Friol, 1997) di non ter moi claro se anda detrás das historias ou se son as historias as que andan detrás del. O caso é que xoga a pillalas e a darlles forma, como vén de facer agora con ‘Eramos Poucos’, un proxecto web sobre a evolución socio-económica da Montaña de Lugo.

“Eu tamén nacín nunha zona na que eramos poucos e, ao contrario ca no dito popular, agora somos aínda menos“, di para explicar o título da reportaxe multimedia, que acaba de ser presentada como Traballo de Fin de Máster na Facultade de Comunicación da USC. O proxecto non xorde por sorpresa, senón que conflúe do seu interese por explorar o despoboamento rural —como xa fixera cunha serie de fotografías no Instagram— e outro traballo previo co que visitara a comarca dos Ancares (Entrelinguas).

EXPERIENCIA INTERACTIVA

O xornalista Álex Vázquez nos Ancares | entrelinguas.gal

Dende a súa perspectiva de xornalista mozo, entende que os medios de comunicación non sempre lle dan unha cobertura mediática ampla á Montaña de Lugo. “E está ben falar dun mesmo, do que se vive e do que se é”. Así, en ‘Eramos Poucos‘ constrúe un relato sobre o que foron, o que son e o que queren ser nos concellos de Baleira, As Nogais e Cervantes.  

“Como evolucionou esta zona? Cales son as súas principais problemáticas? Existen oportunidades?”, preguntouse ao inicio da súa andaina. Estas cuestións vanse respondendo a través de mapas históricos que amosan a vista de paxaro os cambios que trouxeron canda si a autovía A-6 ou a estrada N-VI. Completan o cadro varias infografías e as voces dos verdadeiros protagonistas —as veciñas e veciños— recollidas nun vídeo interactivo.

CAMIÑOS DE FUTURO

“Alí a xente ten moita vontade de que o seu concello tire para adiante. Hai moitos proxectos e asociacións para dinamizar a zona”, sostén Vázquez. A vía Künig, o turismo sostible e de natureza ou a posta en valor do patrimonio son algúns dos camiños que se abren como “potencialidades”, máis alá do momento presente no que a “falta de recursos e infraestruturas” lastran unha comarca especialmente afectada pola caída demográfica.

Pero como Álex é amigo de darlle unha volta a todas as expresións, conclúe o traballo cunha frase que reflicte o alento da Montaña lucense: “a esperanza é o primeiro que se garda”.

 

Ver esta publicación en Instagram

 

Una publicación compartida de Eramos poucos… (@eramos.poucos)

ÚLTIMAS

Cae parte do teito do Xulgado do Social número 4 de Lugo, o que obriga á recolocación de traballadores e a xuíza

A xuíza decana dos Xulgados de Lugo, Olalla Díaz Sánchez, ordenou o peche provisional do...

José Tomé: “A elección de Miguel Fernández foi consensuada. Quedou asinada. Foi un proceso totalmente lucense”

Xa vexo que tes moitos papeis enriba da mesa. E iso?  (Ri) Depende de por...

Catro anos de internamento para un mozo por agredir sexualmente a un neno de 8 anos en Lugo

Un mozo foi condenado polo Xulgado de Menores de Lugo a catro anos de internamento en...

O proxecto Renace de Lugo: buscando as claves da boa xenética dos centenarios galegos

O proxecto Renace (Rexistro Nacional de Centenarios de España), que se impulsa desde Lugo, estuda...