InicioSociedadeNova repunta dos contaxios en Lugo, que xa contabiliza máis de mil...

Nova repunta dos contaxios en Lugo, que xa contabiliza máis de mil casos activos

Sanidade confirma 72 novos positivos e indica que hai 42 persoas ingresadas (5 na UCI).

PUBLICADA O

- Advertisement -

A área sanitaria de Lugo, Cervo e Monforte de Lemos alcanza os 1.016 casos activos por coronavirus (+53) nunha xornada na que volveu medrar o número de positivos detectados. En concreto, Sanidade informa de 72 diagnósticos confirmados por PCR nas últimas 24 horas.

Así se reflicte nos datos actualizados na web da Consellería de Sanidade na mañá deste mércores con cifras ata as 18:00 horas do martes. Esta suba no número de contaxios prodúcese logo de dous días con tendencia á baixa (26 novos casos o martes e 39 o luns fronte aos máis de 100 do sábado e o domingo).

De acordo ao Servizo Galego de Saúde (Sergas), na área de Lugo hai 42 pacientes ingresados (+1 respecto de onte), das cales cinco permanecen na UCI do Hospital Universitario Lucus Augusti (HULA). O HULA atende, así mesmo, 25 persoas en unidades de hospitalización; o Hospital da Mariña, 14; e o de Monforte, 3. Ata a data de hoxe curáronse 3.454 persoas e fixéronse 82.133 PCR.

Na tarde de onte tamén se coñecía que a provincia de Lugo superaba o centenar de falecidos tras o deceso de dúas mulleres, de 89 e 91 anos, que foran diagnosticadas con Covid-19.

Ademais, o comité clínico decidía manter as restricións vixentes dende o venres e que afectan, entre outras, ao peche perimetral das cidades galegas.

GALICIA

Os datos da Consellería de Sanidade para a comunidade amosan que Galicia volve superar os 600 novos positivos diarios, polo que serían xa 9.642 casos activos (+266 respecto do anterior reconto). As mortes subiron a 951 tras os sete falecementos comunicados a pasada tarde.

Do total de positivos, hai 563 en hospitais con 80 persoas nas Unidades de Coidados Intensivos (+1).  Podes ler máis información no Galicia Confidencial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...