Axentes da Policía Nacional interviñeron na noite do domingo ao luns nun local de lecer de Lugo para disolver unha festa na que participaban decenas de persoas. En concreto, os feitos ocorreron de madrugada nun local da Rúa Falcón. A pesar de que o establecemento debía pechar as súas portas máis dunha hora antes, no seu interior e nas súas inmediacións atopábanse varias decenas de mozas, sen máscara e sen respectar a distancia de seguridade.
Ademais de incumprir o horario de peche, os axentes determinaron que o local tamén vulneraba o aforamento máximo permitido e que moitos dos mozos non levaban máscara. Aínda que á chegada da Policía, moitos marcharon do lugar, os axentes impuxeron máis dunha vintena de denuncias por infraccións, algunhas das mesmas por tráfico de drogas.
Por outra banda, tamén na noite do domingo ao luns, a Policía Local de Lugo levantou sete actas de denuncia por unha festa nun piso de estudantes na rúa Campos Novos. Alertados polos veciños, os axentes desprazáronse ata a zona, onde comprobaron que se escoitaba ruído de música e voces de persoas. Na vivenda identificouse a sete persoas, todas sen máscara, que non eran convivientes e non respectaban as distancias de seguridade.
