Sobre o concello de Lugo Sanidade manifesta que a taxa de incidencia a sete e 14 días “descendeu” respecto das dúas semanas anteriores, “pero seguen mostrando valores superiores aos estimados para o total de Galicia neses mesmos cortes temporais”.

Así, a orde do DOG do 7 de outubro, destaca que “ten casos confirmados declarados todos os días dos últimos 14 días“, o que se traduce nunha taxa acumulada a 14 días que “é 1,14 veces maior á do total da comarca e 1,41 veces ao total de Galicia”.

Por iso, sostén que “este brote segue tendo algunha característica de alto risco, como é a taxa de incidencia no últimos tres días que, aínda que esta sería a cuarta semana consecutiva en que a taxa baixa, convén esperar a que diminúa máis”, concreta a Consellería, para xustificar que se continúe coas medidas xa establecidas de restrición.