InicioComarca de MeiraO gromo detectado en Meira sobe aos 16 contaxiados

O gromo detectado en Meira sobe aos 16 contaxiados

O alcalde di que afecta a membros dunha familia pero tamén a outras persoas.

PUBLICADA O

- Advertisement -

O brote de coronavirus Covid-19 rexistrado no municipio lucense de Meira suma 16 casos positivos e ten orixe familiar, confirmaron a Europa Press fontes da área sanitaria de Lugo. Sobre este brote, as mesmas fontes sanitarias puntualizaron que se fixeron probas “a todos os contactos” e “séguese co rastrexo intenso de todos os contactos para acoutalo a ese ámbito”.

O tenente de alcalde de Meira, Agustín Méndez, confirmou a existencia deste gromo. Méndez explicou que este xoves, sobre as 14,00 horas, recibiron “a notificación” da Consellería de Sanidade, a través da que se lles avisou de que “se trataba dun foco e que estaba controlado“.

O tenente de alcalde de Meira sinalou que isto “o leva Sanidade”. “A xente está nas súas casas confinadas e seguindo as directrices que lles din”, abundou. “Preguntei se tiñamos que tomar algunha medida e dixéronnos que as medidas de sempre; non fomentar as reunións, nin as reunións familiares, distanciamento social, que sexamos respectuosos co uso da máscara e non nos deron ningunha instrución máis ante o brote”, detallou.

Así mesmo, Méndez subliñou que lles comunicaron que os contaxiados son “entre seis e nove persoas, dunha mesma familia son varios pero tamén hai outros afectados“. Segundo indicou, descoñece se a orixe está nunha “reunión familiar”.

“Pode ser dunha reunión familiar, pero puido ser doutro sitio e traelo ao ámbito familiar”, engadiu. “O contaxio puido vir de varias fontes, pero cabe a posibilidade de que sexa dunha reunión familiar”, concluíu.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...